ڈائری

نوحہ

 

نوحہ تھا کلثوم کا ہائے قیامت ہوئی
بھائی کو ذبح کیا ہائے قیامت ہوئی
نوحہ تھا کلثوم کا

بیبیوں ہوشیار ہو بچوں کو گودی میں لو
ہلتی ہے ارض بلا ہائے قیامت ہوئی
نوحہ تھا کلثوم کا

کاٹ لیا شہہ کا سر آتے ہے اعدا ادھر
کون انہیں روکے گا ہائے قیامت ہوئی
نوحہ تھا کلثوم کا

کیا کرے بے کس بہن ہوتا ہے پامال تن
بعد قضائ یہ جفا ہائے قیامت ہوئی
نوحہ تھا کلثوم کا

اٹھنے لگا ہے دھواں خیموں سے جائیں کہاں
اعدا نے چھینی ردا ہائے قیامت ہوئی
نوحہ تھا کلثوم کا

خیموں سے باہر چلو جاں کی حفاظت کرو
شعلوں نے حلقہ کیا ہائے قیامت ہوئی
نوحہ تھا کلثوم کا

خیمہ سجاد بھی زد پہ ہے اب آگ کی
وہ تو ہے غش میں پڑا ہائے قیامت ہوئی
نوحہ تھا کلثوم کا

نوحہ انیس حزیں لکھ گئے شوکت متیں
جس نے جہاں بھی سنا ہائے قیامت ہوئی
نوحہ تھا کلثوم کا