Home

جانے والے کربلا کے کربلا لے چل مجھے
روضہ شبیر پر دوں گا دعا لے چل مجھے
ہے جہاں گنج شہیداں ہے جہاں نہر فرات
جس جگہ سید میرا پیاسا رہا لے چل مجھے
جس جگہ جاگی تھی قسمت حر کی وہ دیکھوں گا میں
عاصیوں پر کیسے ہوتی ہے عطا لے چل مجھے
اس قدر نادار ہوں زاد سفر کچھ بھی نہیں
دوش پر اپنے بٹھا کر اے ہوا لے چل مجھے
جس جگہ عباس کے بازو قلم ہوکے گرے
اس جگہ میں بھی کروں ماتم ذرا لے چل مجھے
دل الجھ کر آگیا برچھی میں اکبر کا جہاں
دل وہاں میں بھی کروں اپنا فدا لے چل مجھے
جل گئے شام غریباں میں جہاں خیمے تمام
جس جگہ ننھا سا اک جھولا جلا لے چل مجھے
ہاۓ وہ مقتل جہاں بالی سکینہ رات میں
ڈھونڈتی پھرتی تھی سینہ باپ کا لے چل مجھے
سرور و ریحان ہر مجلس میں کرتے ہیں دعا
حق وہیں نوحوں کا اب ہوگا ادا لے چل مجھے
جانے والے کربلا کے کربلا لے چل مجھے
روضہ شبیر پر دوں گا دعا لے چل مجھے
جانے والے کربلا کے کربلا لے چل مجھے
جانے والے کربلا کے کربلا لے چل مجھے